GORKA PALAZIOREN HITZALDIA

Lehenik eta behin esan beharra dago gaurko "klasea" ordu bat beranduago hasi dela eta traba asko izan ditugula jarraitzeko.

Ordua alde batera utzita, arazo handienak hiru izan dira: Kanala ehu-koa izan beharrean palazio-koa izan da (gertaera hau nahastu egin gaitu), hitzaldia berandu hasi denez arinegi joan zara (beraz, nahiko zaila izan da ulertzea eta gaiaren haria ez galtzea) eta bideoa hitzaldi erdian geratu egin da.

Hitzaldiari dagokionez, Koldoren, Galiziako unibertsitateko irakasle ohia, agurrarekin hasi zara. Horren ostean jorratu dituzun gainen zerrenda eman duzu. Hauek izan dira nik jasotakoak: unibertsitatea, unibertsitate hobetua, web 2.0 eta second life. Azkenengo honetan, arinegi joan zara. Hortik aurrera gainontzekoa ez da gehiegi ulertu, azkarregi joan zarelako eta hainbat kontzeptu berriez hitz egin duzulako.

Gaien zerrenda ondoren, Benjamin Franklin-en esaldi bat gogoratu duzu: "Háblame y quizás lo olvide. Enséñame y quizás recuerde. Particípame y aprenderé". Esaldi hau unibertsitate hobetuarekin erlazionatu duzu, non zure ustez, "konektibitatea izan behar da tresna nagusia". Beraz, unibertsitate hobetuetan, hots, zerbitzuen unibertsitateetan, arbelak eta transparentziak alde batera utzi behar dira ordenagailuak, kanioiak eta Internet erabiltzeko.

Unibertsitate hobetuen gaiarekin jarraituz, erronka egin diezu unibertsitate guztiei, esanez, "ea zein ausartzen den ordu bateko klase guztiak grabatzen eta gordetzen". Gero unibertsitateko sare sozial publikoetan eskegiko dira.

Beraz, unibertsitateak hobetzeko pasa-hitzik gabeko baliabide digitalak eta ikus-entzunezkoa beharrezkoak dira.

DATUA: Epe laburrean, Z bytes-ak izango dira informatikaren neurri nagusia edo estandarra. Z byets bat, mila milioi Tera bytes dira.